宜家一點幾...我係度執緊房....

可能成日凝住自己好累，係咁訓係咁訓....其實今日六點幾起左身，因為尋日好累好早訓左....

起一起身，見到個時間又趕唔切返早堂...加上約左娜姐返晚堂，所以逼自己再訓.....十一點零又醒左....上左一陣網...諗左一陣野...打左一陣機....我又走左去訓.....訓到點幾....個人扎醒左...先記起今日有佈道會...但又返唔切....覺得今日全日既時間都好浪費....

沖個涼洗個頭...剪左少少頭髮既前陰...聽左幾首歌....呆坐一陣.....望一望個電話，發覺尋晚十二點幾有個未接來電，又係冇電話顯示，可能又係玩電話嗰個人...

同娜姐返完晚堂，唔知點解今日想食好少少，所以同娜姐講不如今晚食日本野，但之後諗唔到去食邊間，最後去左食Pizza Hut，都幾好丫，食左芝心批～～～其實今晚得我地兩個食架咋，但我地食左好多野....嗯....有一個千鳥海鮮普通批加芝心、葡汁焗雞球飯、三文魚凱撒沙律，仲有　蓉包....超飽，食唔晒......仲話減肥～～哈哈，不過其實都係今晚同埋星期五個晚唔係咁節制...

食完野買左對鞋～～因為之前有對鞋爛左～～聽日著下對新鞋返工先～～:)

天氣轉涼啦...今日係街啲涼風吹黎個陣，我就諗起上年同樣開始凍個一種感覺，好似返返去上年呢個時間咁....不過其實每次轉天氣我都會咁樣，會有返上一次又係咁樣天氣既感覺....例如個陣時我多數做緊啲乜野，同緊邊個人一齊，又或者自己一個諗緊啲乜野..個一下既感覺都會返一返黎....跟住就諗...咁快又一年....

我宜家執緊啲衫出黎換，夏天衫又要放入大櫃度咯～～～攞返啲秋涼衫出黎個陣，發覺我真係好多衫，哈哈～～換入換出都好多衫，但有啲就唔係成日著，頭先攞返啲衫出黎個陣見到一件成日甩膊既衫，其實件衫唔係甩膊既，只係因為個膊位唔知點解大左少少，我好鍾意件衫，所以特登攞開左放係一邊，我打算呢幾日補返佢，等佢唔好咁闊，咁我就可以著啦...

呢兩日既假期真係係度休息，唔係訓就係打下機....唔知點解個人會咁累...